گينه حسرت ، گينه آخشام ، گينه غم

گينه دويغو گولو كؤكدن ساراليب

...

عمي جان

كاش غملريني منيمله بؤله بيله يدين

كؤرپه قلبيمله كاش بير درديني من چكه يديم بير درديني اؤزون

زن عميمين غميني سن

وعميم اوغلونون غميني من .

ياس باتيب ياسه ، شقايق يارالي ، لاله عزالي

سرو نازيم گئديب الدن ، اولدو بهاري

عشقين كي قرارينده وفا اولميياجاقميش

بيلمم كي طبيعت نييه قويموش بو قراري

-

باخديم قلم قاشينا                              يازديم قبير داشينا

سن دن سورا كول اولسون                  بو دونيانين باشينا

...

87 ينجي ايلين مرداد آي نين 8 ي

و 87 ينجي ايلين دي آي نين 2 سي

۱۴۶ گون

بئش آيا چاتمادي بو توي بو شنليك

آرزولار سونا چاتدي

ديلك لر فنايه اوغرادي

آنارين عمي سي حيات يولداشين ايتيردي

و توي ياس چؤندو .

سئچيلميش شئعير لر

آذري توركجه سينه چئويرن : فرهاد شهبازي

بئشينجي بؤلوم

سئچيلميش شئعير لر

آذري توركجه سينه چئويرن : فرهاد شهبازي

دؤردونجو بؤلوم

سئچيلميش شئعير لر

آذري توركجه سينه چئويرن : فرهاد شهبازي

اوچونجو بؤلوم

سئچيلميش شئعير لر

آذري توركجه سينه چئويرن : فرهاد شهبازي

ايكينجي بؤلوم

ناظيم حيكمت

سئچيلميش شئعير لر

آذري توركجه سينه چئويره ن  :  فرهاد شهبازي

بيرينجي بؤلوم

بو شئعير لري ناظيم حيكمت سايتيندان يئنديريب و آذري توركجه سينه و عرب اليفباسينا چئويرديم .

9~3-8-1387 فرهاد شهبازي

عيد اضحي ده قويون كسمه بويون قورباني

عاشيق زار كيمين كسمه يه قوربانين وار

آنار - ۴-۹-۸۷ - موغان - سون باهار

  مملکتيمي سئويرم  

  مملکتيمي سئويرم :  

  چينارلاريندا کولان ووردوم ، حبس خانالاريندا ياتديم .  

  هئچ بير شئي آرادان قالديرماز ايچري چتينليگمي  

  مملکتيمين ماهنيلاري و توتونو کيمي .  

  مملکتيم :  

  بدرالدين، سينان، يونوس امره و ساکاريا ،  

  گولله قوببه لر و فابريک باجالاري  

  منيم او اؤز اؤزوندن بئله گيزليه رک  

  ساللانان بيغلاري آلتيندان گولن خالقيمين اثريدير.  

  مملکتيم .  

  مملکتيم نه قدر گئنيش :  

  گزمکله بيتمز ، توکنمز کيمي گلير اينسانا .  

  ائديرنا ، ايزمير ، اولوکيشلا، ماراش ، تراب زون ، ارضوروم.  

  ارضوروم يايلاسيني تک تورکولريندن تانيييرام  

  و جنوبا  

  پامبيق ايشله ينلره گئتمک اوچون  

  توروسلاردان بير كره  اولسون کئچه بيلمه ديم دييه  

  اوتانيرام .  

  مملکتيم :  

  دوه لر ، قاتار ، فورد آرابالاري و خسته ائششکلر ،  

  قوواق  

  سؤيود  

  و قيرميزي تورپاق .  

  مملکتيم .  

  شام مئشه لريني ، ان دادلي سولاري و داغ باشي گؤللريني سئون  

  آلاباليق  

  و اونون ياريم کيلولوغو  

  مارکاسيز ، گوموش دريسينده قيرميزي ايديلرله  

  بولونون آبانت گؤلونده اوزه ر .  

  مملکتيم :  

  آنکارا دوزنليگينده کئچيلر :  

  قومرال ، ايپه کلي ، اوزون کورکلرين پيريلداماسي .  

  ياغلي ، آغير فينديغي گيرئسونون .  

  آل ياناقلاري خوش عطيرلي ايي وئرن آماسييا آلمازي ،  

  زئيتون  

  انجير  

  قووون  

  و رنگ رنگ  

  سالخيم سالخيم اوزوملر  

  و سونرا کاراسابان  

  و سونرا قارا سيغير 

  و سونرا : ايره لي ، گؤزل ، ياخشي  

  هر شئيي  

  حئيران بير اوشاق سئوينجييله قبولا حاضير ،  

  چاليشقان ، ناموسلو ، ايگيد اينسانلاريم  

  ياري آج ،  ياري توخ  

  ياري اسير ...  

ناظیم حیکمت - آذری تورکجه سینه چئویرن : ف . شهبازی

آنار - پاييز گونلري

آنار به ي

دوغوم گونون قوتلو اولسون

هر زامان آزاد ياشا .

" آنار " به ي

الو تانري دان سنه جان ساغليقي ديله ييريك

آرزوموز بودور عايله نه ، آنا يوردونا و ائلينه

يارارلي و ايگيت اوغول اولاسان .

مرداد آيي نين ۲۴ ينجي گونو آنار ين دوغوم گونو ايدي

ايكينجي ايله قدم قويماق موناسبتيله  " آنار" ي عايله سي

، قوهوم لاري و دوستلاري جشن مراسيمي توتماقلا ياناشي

تبريك ائتديلر.

ساغ اولسونلار .

آرزوموز بودور " آنار"  دوشونجه لي ، دويغولو ، آنلاملي ، اؤنملي

و آزاد ياشاسين .

۸۷ ينجي ايلين بئشينجي آيي نين ۸ ينده آنارين فرامرز عمي سي نين تويو اولدو -

 آنار دا بو شنليگه قوشولدو - بيز آنار ين والدين لري آنار لا بيرگه اونون عمي سينه

 و حيات يولداشينا بو بيرگه ياشاييش باشلاماسي موناسبلتيله تبريك دئييب

و اونلارا اوغورلار ديله ييريك .

من او كه په نه يم كي

دونيادا حيات آدلي

شعله يه وورولموشام

يانسامدا قورخوم يوخدور

ازلده ن بو سئودادا

يانماغا دوغولموشام

ب.قره چورلو (سهند)